جنوب لبنان کی اسرائيل سے آزادی معجزہ سے کم نہیں،فلسطینی سرزمین فلسطینی عوام کی ہے زمانہ گزرنےسے کسی کا حق ضائع نہیں ہوتا
حزب اللہ لبنان کے سربراہ سید حسن نصر اللہ نے وکی لیکس کے بانی جولین آسانگ کے ساتھ گفتگو میں حزب اللہ کی پالیسیوں کی تشریح کرتے ہوئے کہا ہے کہ لبنان کی ایک ایک انچ زمین کی حفاظت حزب اللہ کی ترجیحات میں شامل ہےاور شام کی موجودہ حکومت لبنان اور فلسطین میں اسلامی مزاہمت کےساتھ کھڑی ہےاور ایسی حکومت کو سعودی عرب اور دیگر غیر مستکم کرکے اسرائیل کو فائدہ پہنچانا چاہتے ہیں۔ المنار ٹیلی ویژن نیٹ ورک کےمطابق سید حسن نصر اللہ نے کہا کہ ہم سب نے سنا کہ ایمن الظاہری نے شام میں عوام اور اُن کی قیادت کیخلاف جنگ کا مطالبہ کیا، القاعدہ کے دہشت گرد اس وقت شام میں سرگرم ہیں جو بعض عرب ممالک کی ایما پر شام کو میدان جنگ بنانے کی کوشش کررہے ہیں۔ انھوں نے کہا کہ بعض عرب اور بعض غیر عرب ممالک شام کے خلاف ہیں جو شام میں مسلح دہشت گردوں کو ہتھیار اور مالی وسائل فراہم کررہے ہیں۔ وکی لیکس کے بانی جولین آسانگ روسی ٹی وی کے اینکر بن گئے ہیں اُنھوں نے اپنا پہلا انٹرویو خصوصی ویڈیو لنک کے ذریعے حزب اللہ کے سربراہ سید حسن نصراللہ کا لیا ہےاپنے انٹرویو میں سید نصراللہ نے کہا کہ فلسطین کی سرزمین فلسطینی عوام کی ہے اور زمانے کے گزرنے سے کسی کا حق ضائع نہیں ہوتا اُنھوں نے کہا کہ اگر کسی کے گھر پر کوئی غاصبانہ قبضہ کرلے تو وہ گھر ہرگز غاصب کا نہیں ہوسکتا۔ انھوں نے کہا کہ سنہ 2000 ء میں جنوب لبنان کی اسرائيل سے آزادی ایک معجزہ سے کم نہیں تھی۔