رہا شدہ فلسطینی: ہم جیل نہیں، مذبح خانے میں قید تھے

(روزنامہ قدس ـ آنلائن خبر رساں ادارہ) غزہ امن معاہدے کے بعد رہائی پانے والے فلسطینیوں نے بتایا کہ وہ قید خانے میں نہیں بلکہ مذبح خانے میں قید تھے۔عرب میڈیا کے مطابق اسرائیلی جیل سے رہائی پانے والے قیدیوں نے بتایا کہ قابض اسرائیلی جیل کے حالات بہت برے تھے۔

سفاک اسرائیلی قید سے رہائی پانے والے قیدی سعید شبیر کا کہنا تھا کہ آزادی ملنے کے بعد میں اپنے جذبات کا بتا نہیں سکتا۔انہوں نے مزید بتایا کہ میں نے کئی دنوں سے سورج نہیں دیکھا تھا اب میرے ہاتھوں پر ہتھکڑی بھی نہیں لگی ہوئی ہے، آزادی انمول ہے۔

عبداللّٰہ ابو رافع نے بتایا کہ انہیں آزادی ملنے کی خوشی بہت زیادہ ہے بدقسمتی سے ہم کسی جیل خانے میں نہیں بلکہ مذبح خانے میں بند تھے جس کا نام اوفر جیل بتایا جاتا ہے وہاں قیدیوں کے لیے گدے بھی نہیں تھے۔

یاسر ابو عمارہ نے بتایا کہ انہیں کھانے کے لیے وہاں بس مار کھلائی جاتی تھی وہاں ہر چیز بری تھی، کھانے کے لیے کچھ نہیں دیتے تھے انہوں نے گزشتہ چار روز سے کچھ نہیں کھایا ہے۔