رام اللہ (روز نامہ قدس ۔آن لائن خبر رساں ادارہ) صہیونی آباد کاروں کے ایک گروہ نے گذشتہ روز رام اللہ کے شمال میں جبیہ گاؤں پر ہلہ بول دیا اور مقامی رہائشیوں پر پل پڑے جس کے دوران ایک فلسطینی کے سر میں چوٹیں آئیں۔
روز نامہ قدس کو موصول ہونے والی اطلاعات کے مطابق گاؤں کے نمبر دار فخر الدين شلش نے کہا کہ گذشتہ رات آباد کاروں کے ایک گروہ نے گاؤں میں دراندازی کی اور علاقے سے فرار ہونے سے پہلے رہائشیوں پر پتھراؤ کیا جس میں ایک شہری زخمی ہو گیا۔
اسی دوران اسرائیلی فوج نے البریج اور رام اللہ کے صوبوں سے چارفلسطینیوں کو اغوا کر لیا۔
مقامی ذرائع نے کہا کہ اسرائیلی فوج نے محمد التميمي اور مؤيد التميمي کو رام اللہ کے شمال میں النبي صالح قصبے میں انکے گھروں سے اغوا کیا۔
انہوں نے مزید کہا کہ دوسرے دو نوجوانوں جن کی شناخت عبد الفتاح حامد اور طارق خضيري کے ناموں سے ہوئی کو سلواد اور البيرۃ قصبوں میں اسرائیلی فوج نےانکے گھروں پر چھاپوں کے دوران اغوا کیا۔