(روزنامہ قدس ۔آن لائن خبر رساں ادارہ) مرکزی "علماء کونسل” کی اپیل پر گزشتہ روز کشمیریوں اور فلسطینیوں سے اظہار یکجہتی کیلئے ملک بھرمیں’’یوم ندائے کشمیر‘‘ منایا گیا۔
گزشتہ روز”جمعہ” کے اجتماعات میں "مقبوضہ کشمیر” اور "مقبوضہ فلسطین” میں مظالم کیخلاف مذمتی قراردادیں منظورکی گئیں جبکہ پاک افغان بارڈر پر بارودی مواد کے دھماکےمیں شہید پاک فوج کے میجر اورسپاہی کی مغفرت اور بلند درجات کیلئے دعائیں کی گئی اور سعودیہ عرب میں تیل کی تنصیبات پر حملے کی بھی شدید مذمت کی گئی۔
مرکزی علماء کونسل کےچیئرمین "حافظ طاہر محمود اشرفی” نے لاہور میں کشمیر اور فلسطین کے ساتھ یکجہتی ریلی کی سربراہی کرتے ہوئے کہنا تھا کہ پاکستانی قوم کشمیر ی اور فلسطینی عوام کے شانہ بشانہ کھڑی ہے۔ فلسطینی اور کشمیر میں انسانی حقوق کی بدترین خلاف ورزیاں سیکیورٹی کونسل کی قراردادوں کی کھلی خلاف ورزی ہے۔
عالمی برادی اسرائیل اور بھارت پردبائو ڈالے تاکہ مقبوضہ کشمیراور فلسطین میں ہونے والے مظالم کوروکا جاسکے اور وہاں کے لوگوں کو جینے کا حق مل سکے۔
انہوں نے کہا کہ عالمی دنیا کا امن مسئلہ کشمیراور مسئلہ فلسطین کے پر امن حل سے وابستہ ہے ،اقوام متحدہ کے چارٹر اور قراردادوں میں مسئلہ کشمیر کا حل موجود ہے۔