اسلامی تحریک مزاحمت [حماس] کے سیاسی شعبے کے سربراہ کے چناؤ کے لئے قاہرہ میں ہونے والے انتخاب میں پولٹ بیورو کے حالیہ صدر خالد مشعل کو مزید چار برسوں کے لئے تنظیم کے اہم پالیسی ساز سیاسی شعبے کا سربراہ منتخب کر لیا گیا ہے۔
انتخابی عمل مشرقی قاہرہ کے ایک مقامی ہوٹل میں سوموار کے روز ہوا۔ ووٹنگ ہال میں موجود ذرائع کے حوالے سے قدس پریس نیوز ایجنسی نے بتایا کہ خالد مشعل کو ‘شو آف ہینڈ’ کے ذریعے سیاسی شعبے کا سربراہ منتخب کیا گیا۔
خالد مشعل نے ایک برس قبل اعلان کیا تھا کہ وہ سیاسی شعبے کی چوتھی مرتبہ قیادت نہیں کر سکتے۔ ذرائع کا کہنا ہے کہ مسئلہ فلسطین جس نازک دور سے گزر رہا ہے اس میں خالد مشعل کا حماس کے سیاسی شعبے میں قیادت کے منصب پر برقرار رہنا ضروری ہے۔
بشکریہ:مرکز اطلاعات فلسطین