(روزنامہ قدس ۔آن لائن خبر رساں ادارہ) صہیونی فوجی اہلکاروں نے سامنے سے آتی ہوئی گاڑی کے قریب دستی بم پھینکا تھا جس کے اچانک پھٹنے کے نتیجے میں ڈاکٹر کی گاڑی مکمل تباہ ہوگئی تھی۔
اطلاعات کے مطابق گزشتہ روزکی سہ پہرمقبوضہ فلسطین کے علاقے جنین میں قابض صہیونی فوج کی جانب سے پھینکے گئے دستی بم کی زد میں آنے والے مقامی دانتوں کے ڈاکٹر ندال جبارین کی شہادت کی خبر سامنے آئی ہے ۔
خبر کے مطابق صہیونی فوجی اہلکاروں نے سامنے سے آتی ہوئی گاڑی کے قریب دستی بم پھینکا تھا جس کے اچانک پھٹنے کے نتیجے میں ڈاکٹر کی گاڑی مکمل تباہ ہوگئی جبکہ ڈاکٹر کوتشویشناک حالت میں ہسپتال منتقل کردیا گیا جہاں زخموں کی تاب نہ لاتے ہوئے ڈاکٹر ندال جبارین شہید ہوگئے ۔