(روز نامہ قدس ۔آنلائن خبر رساں ادارہ)غیر قانونی صیہونی ریاست اسرائیل کی نام نہاد فوج کے ترجمان ڈینئل ہگاری نے اپنے بیان میں بتایا ہے کہ غزہ اور لبنان کی سرحدوں پر جھڑپوں میں ہم نے اپنے پانچ اہم فوجی افسروں کو کھودیا ہے۔
ڈینئل ہگاری نے بتایا کہ دو روز قبل اسرائیل ڈیفنس فورس کی 401 ویں آرمرڈ بریگیڈ کی کمانڈ کرنل احسان دقصہ اس وقت مارے گئے جب وہ شمالی غزہ میں حکمت عملی کا مشاہدہ کرنے ٹینک سے باہر نکلے اور بارودی مواد پھٹنے سے ہلاک ہوگئے ۔ انھوں نے بتایا کہ کرنل احسان دقصہ کے علاوہ اس جنگ میں ہم نے کرنل آصف حمامی، کرنل یہونٹن سٹیمبرگ، کرنل یتزاک بن باسات اور کرنل روئی لیوی کو بھی کھودیا ۔
واضح رہے کہ یہ پانچوں اسرائیلی فوج میں انتہائی اہم پوزیشنز پر تعینات تھے اور تجربے اور قابلیت کے حوالے سے اسرائیلی فوج کا ان کی جنگی حکمت عملی پر بہت انحصار تھا ۔