جنین(روز نامہ قدس ۔آن لائن خبر رساں ادارہ) فلسطین کے مقبوضہ مغربی کنارے کے شمالی شہرجنین میں 13 سالہ ایک فلسطینی لڑکے کی پھندے سے لٹکی لاش برآمد کی گئی۔ مغربی جنین کے الیامون قصبے میں پیش آنے والے اس واقعے کی وجہ معلوم نہیں ہوسکی۔
روز نامہ قدس کو موصول ہونے والی اطلاعات کے مطابق مقامی ذرائع نے بتایا کہ 13 سالہ مھنا فارس رجا حوشیہ کواس کے گھرکے باہردروازے کے پھندے کےساتھ لٹکتے پایا گیا تھا۔ فلسطینی لڑکے کو تشویشناک حالت میں اسپتال منتقل کیا گیا تھا مگر اس کی زندگی بچائی نہیں جا سکی۔ پولیس نے واقعے کی تحقیقات شروع کردی ہیں۔