مقبوضہ بیت المقدس (روز نامہ قدس ۔آن لائن خبر رساں ادارہ) اسرائیلی فوج نے فلسطین کے جزیرہ نما النقب میں ایک کارروائی کے دوران ایک فلسطینی خاندان کے 8 افراد کو حراست میں لے لیا ہے۔
روز نامہ قدس کو موصول ہونے والی اطلاعات کے مطابق مقامی فلسطینی ذرائع نے بتایا کہ حراست میں لیے گئے فلسطینیوں کا تعلق ’’العتایقہ‘‘ خاندان سے بتایا گیا ہے۔
ذرائع کا کہنا ہے کہ العتایقہ خاندان کے افراد کو حراست میں لینے کا مقصد خاندان کو جبرا ہجرت پرمجبور کرنا اور ان کی اراضی اور املاک پر قبضہ کرنے کی کوشش ہے۔
دوسری جانب انسانی حقوق کی تنظیموں نے فلسطینی شہریوں کی گرفتاری کی شدید مذمت کرتے ہوئے جبری ہجرت کی انتقامی پالیسی کو مسترد کردیا ہے۔