مقبوضہ بیت المقدس (روز نامہ قدس ۔آن لائن خبر رساں ادارہ) اسرائیل کے کمانڈوز نے جزیرہ نما النقب کی جیل کے وارڈ 3 میں گھس کر نہتے فلسیطنی اسیران کو تشدد کا نشانہ بنایا جس پر فلسطینی اسیران تحریک نے سخت الفاظ میں خبردار کیا ہے۔
روز نامہ قدس کو موصول ہونے والی اطلاعات کے مطابق اسرائیلی فوج کے کمانڈوز جزیرہ نما النقب کی جیل میں گھس کر وارڈ 3 میں موجود قیدیوں کو تشددکا نشانہ بنایا اور ان کے حوالے سے اشتعال انگیز حرکات کا ارتکاب کیا گیا۔
تحریک اسیران کا کہنا ہے کہ اسرائیلی فوج کا قیدیوں کے کمروں پر دھاوا وحشیانہ کارروائی اور اشتعال انگیزی ہے اور اسرائیلی حکام کو اس کے نتائج بھگتنا پڑیں گے۔ بیان میں مزید کہا گیا ہے کہ فلسطینی اسیران قبلہ اوّل پرصیہونی یلغار کی وجہ سے پہلے ہی غم وغصے کا شکار ہیں۔