(روز نامہ قدس ۔آنلائن خبر رساں ادارہ) غیر قانونی صیہونی ریاست اسرائیل کے میڈیا نے اسرائیلی فوج کے حوالے سے بتایا ہےکہ گذشتہ روز غزہ میں حماس کےمجاہدین کے ساتھ جھڑپوں میں دو اسرائیلی فوجی ہلاک اور ایک زخمی ہوگیا تھا ، مقبوضہ مغربی کنارہے کی غیر قانونی صیہونی بستی کے رہائشی 20 سالہ شہنیئور زلمان کو ملٹری اسپتال منتقل کیا گیا تاہم وہ جانبر نہ ہوسکا ۔
اسرائیلی میڈیا کا کہنا ہے کہ ان تینوں ہلاکتوں کے بعد غزہ میں حماس کے ساتھ دوبدو جنگ میں مارے گئے فوجیوں کی تعداد 371 ہوگئی تاہم آزاد ذرائع کا کہنا ہے کہ اسرائیلی فوج کی جانب سے غزہ اور لبنان کے محاذ پر ہونے والے اسرائیلی نقصان کی تشہیر پر سخت سنسر شپ نافذ ہےجس کے باعث فوج کا اصل نقصان منظر عام پر نہیں آتا ہے ، ذرائع کا کہنا ہے کہ غزہ اور لبنا ن میں اسرائیلی فوج کا نقصان اس سے کہیں زیادہ ہے جس کا اعلان کیا جاتا ہے۔
یہ تعداد 778 ہے جن میں 6 کرنل بھی شامل ہیں۔واضح رہے کہ 7 اکتوبر 2023 سے جاری اسرائیلی فوج کی بمباری میں شہید ہونے والے فلسطینیوں کی تعداد 43 ہزار 314 ہوگئی جب کہ زخمیوں کی تعداد ایک لاکھ سے تجاوز کرگئی۔غزہ میں اسرائیلی بمباری میں شہید اور زخمی ہونے والوں میں نصف تعداد خواتین اور بچوں کی ہے۔ دس لاکھ سے زائد بے گھر ہوچکے ہیں۔ صحت کا نظام تباہ حال ہے۔