فلسطین کے مقبوضہ بیت المقدس کے مشرقی علاقے میں واقعے "معالیہ ادومیم” یہودی کالونی کے قریب ایک یہودی آباد کار نے اندھا دھندگولیاں برسا کر ایک فلسطینی نوجوان کو شہید کردیا۔
رپورٹ کے مطابق معالیہ ادومیم کالونی کے قریب ایک کار سوار فلسطینی نے اپنی کار ایک یہودی آباد کار کی گاڑی سے ٹکرادی ہے۔ اس کے بعد وہ اپنی کار سےنکلا اور یہودی آباد کار پر چاقو سے حملے کی کوشش کرنے لگا۔ مسلح یہودی آباد کار نے اس پر پستول سے گولی چلائی جس کے نتیجے میں وہ شدید زخمی ہونے کے بعد شہید ہوگیا۔ابتدائی اطلاعات کے مطابق اسرائیلی فوجیوں ںے فلسطینی نوجوان کے زخمی ہونے کے بعد امدادی کارکنوں کو اس کے قریب جانے سے روک دیا جس کے نتیجے میں خون بہہ جانے سے اس کی موت واقع ہوگئی۔ اس واقع کی مزید تفصیلات آ رہی ہیں۔
آج اتور کو اسرائیلی فوج کی دہشت گردی میں فلسطینی شہداء کی تعداد دو ہوگئی ہے۔ قبل ازیں مغربی کنارے کے شمالی شہرنابلس میں ایک یہودی آباد کار نے فلسطینی بچی کو گاڑی تلے کچل دیا جس کے بعد قریب کھڑے فوجیوں نے بچی کو گولیاں مار کر شہیدکردیا۔