بیت المقدس میں سنگ باری سے اسرائیلی پولیس اہلکار زخمی

(فلسطین نیوز۔مرکز اطلاعات) فلسطین کے مقبوضہ بیت المقدس میں فلسطینی نقاب پوش نوجوانوں کی سنگ باری سے کم سے کم ایک اسرائیلی پولیس اہلکار زخمی ہوگیا۔

رپورٹ کے مطابق منگل کی شام مشرقی بیت المقدس میں العیزریہ کے مقام پر فلسطینی نوجوانوں نے اسرائیلی پولیس کی ایک گشتی پارٹی پر پتھراؤ کیا جس کے نتیجے میں ایک اہلکار زخمی ہوا ہے۔ زخمی پولیس اہلکار کواسپتال منتقل کیا گیا جہاں اس کی حالت خطرے سے باہر بیان کی جاتی ہے۔ اسپتال ذرائع کے مطابق زخمی پولیس اہلکار کے سرمیں پتھر لگے ہیں اور اس سے درمیانے درجے کے زخم آئے ہیں۔