(روزنامہ قدس ۔آن لائن خبر رساں ادارہ) چ
اطلاعات کے مطابق گزشتہ روز مقبوضہ بیت المقدس کے جنوب میں واقع شہر سربہار سے تعلق رکھنے والے 4فلسطینی قیدی عبد الوایت، محمد صلاح ابو کاف، الولید الترش اور محمدجہاد التویل جونو سال سے لے کر اٹھارہ سال پر مشتمل قید کی سزا بھگت رہے ہیں قابض حکام نےانکی قید میں مزید توسیع کردی ہے۔
صہیونی فوج نےان قیدیوں جبل المکابیر قصبے کی اراضی پر واقع ارمون بستی میں آباد کاروں پر پتھراؤ کرنے کےجرم میں 2015 کو گرفتار کیا تھا اور ان پر الزام عائد کیا تھا کہ ان قیدیوں کے حملے سے آبادکار کی گاڑی الٹ گئی تھی جس کے باعث اس کی ہلاکت ہو ئی تھی ۔
لہذا صہیونی عدالت نےان فلسطینی باشندوں کو بے بنیاد الزامات کی پاداش میں بغیر کسی تحقیق کے غیر منصفانہ سزائیں جاری کیں اور ان پر بھاری جرمانے عائد کر دیے جبکہ قابض جیل انتظامیہ نے چاروں قیدیوں کے ساتھ ساتھ ان کے خاندان کو نشانہ بنا تے ہوئے ان کی جائداد ضبط کرلی اور انہیں روز مرہ کی ضروری اشیا کی خریداری میں مشکلات پیدا کرنے کے ساتھ ساتھ قیدی عبد الوایت سے ان کی ذاتی رہائش گاہ بھی چھین لی جس کے نتیجے میں عبدالوایت کا خاندان کھلے آسمان کے نیچے آگیا ۔
ذرائع کے مطابق ان قیدیوں کے متعدد مرتبہ مختلف جیلوں میں بھی تبادلے ہوئے تاہم یہ قیدی اس وقت صحرا النقب جیل میں ہیں۔