(روزنامہ قدس ۔آن لائن خبر رساں ادارہ) متحدہ عرب امارات ( یو اے ای) کے بعد بحرین نے بھی اسرائیل کو بطور تیاست تسلیم کرنے کا فیصلہ کر لیا۔
امریکی صدر ٹرمپ نے سماجی رابطوں کی ویب سائٹ ٹوئٹر پر اپنے پیغام میں اعلان کیا ہے کہ خلیجی ریاست بحرین اور اسرائیل نے باہمی تعلقات کو معمول پر لانے پر آمادگی ظاہر کر دی ہے جس کے بعد بحرین اسرائیل کو تسلیم کرنے والا دوسرا عرب ملک بن گیا ہے۔
انہوں نے کہا ہے کہ ہمارے دو بہترین دوست اسرائیل اور بحرین امن معاہدے کیلئے رضا مند ہو گئے ہیں۔ میڈیا رپورٹس کے مطابق امریکی صدر ڈونلڈ ٹرمپ نے اسرائیل اور متحدہ عرب امارات کے درمیان امن معاہدہ کرانے میں ثالث کا کردار ادا کیا۔
بین الاقوامی میڈیا رپورٹس کے مطابق معاہدے کے تحت اسرائیل مغربی کنارے میں واقع فلسطین کے ان علاقوں پر دعویٰ سے دستبردار ہو گا جنہیں وہ ضم کرنا چاہتا تھا۔
یاد رہے کہ گزشتہ ماہ اسرائیل اور متحدہ عرب امارات کے درمیان ایک تاریخی امن معاہدہ ہوا جس بعد مشرقی وسطیٰ کے دونوں اہم ملکوں کے درمیان سفارتی تعلقات معمول پر آسکیں گے۔