(روزنامہ قدس ۔آن لائن خبر رساں ادارہ) امارات کا اسرائیل کے ساتھ معاہدہ قابض صہیونی مجرموں کے لیے تحفہ اور فلسطینی قوم کے بنیادی اور اصولی حقوق کی قیمت پر دشمن کے ساتھ تعاون کے مترادف ہے، حماس
ذرائع کے مطابق گزشتہ روز فلسطینی نشریاتی ادارے الاقصی سے گفتگو کر تے ہوئے اسلامی تحریک مزاحمت حماس کے سیاسی شعبے کے سینئر رکن خلیل الحیہ نے عرب اور مسلمان ممالک کی اقوام پر زور دیا ہے کہ وہ اسرائیل کے ساتھ دوستی کرنےوالے حکمرانوں پر دباؤ ڈالنے کے لیے سڑکوں پر نکل کر صدائے احتجاج بلند کریں۔
خلیل الحیہ نےکہا ہے کہ متحدہ عرب امارات کی جانب سےصہیونی حکام کےساتھ معاہدہ مقبوضہ فلسطینی علاقوں پر قابض صہیونی ریاست کے غاصبانہ قبضے کو مزیدمستحکم کرنے میں مدد فراہم کرے گا۔
انہوںنے عرب ممالک کی عوام پر زور دیا ہے کہ وہ قابض ریاست اسرائیل کے ساتھ دوستی کرنے والے حکمران طبقے کو اسرائیلی ساتھی تسلیم کرتے ہوئے ان کے خلاف میدان میں نکلیں۔