قبلہ اول مسجد اقصی کے تحفظ اور بیت المقدس کو یہودیانےکی کارروائیوں سے بچانے کے لیے قاھرہ میں اکیس نومبر کو ملین مارچ کی تیاریاں جاری ہیں۔ مصری برسر اقتدار فوجی کونسل نے مارچ کے انتظام میں سرگرم ڈاکٹر جمال عبدالسلام کو پیغام دیا ہے کہ کونسل عنقریب مارچ کے منتظمین سے ملاقات کرے گی۔
ملین مارچ کا انتظام دو تنظیموں ’’القدس کو یہودیانے کےخلاف قومی مہم‘‘ اور ’’تنظیم برائے ملین مارچ‘‘ نے کیا ہے۔ ڈاکٹر جمال عبد السلام جو اس مارچ کے انتظامات کے سربراہ ہیں نے اپنے جاری کردہ پیغام میں کہا ہے کہ مصری عسکری کونسل آج بروز بدھ منتظمین کے وفد سے ملاقات کر رہی ہے۔
عبد السلام نے بتایا کہ آج کی ملاقات میں مقبوضہ بیت المقدس میں ہونے والی حالیہ پیشرفت پر گفتگو کی جائے گی، ملین مارچ کے انتظامات کرنے والی معروف فلسطینی اور مصری شخصیات کے وفد کے اراکین مسجد اقصی کے مراکش دروازے کے راستے کے انہدام اور القدس میں یہودی آباد کاری کے لیے باون ہزار نئے رہائشی یونٹس تعمیر کی اجازت سے مصری حکومت کو آگاہ کرے گی۔
عبد السلام نے بتایا کہ منتظمین کے وفد میں مہم کے سربراہ ڈاکٹر محمد عمارہ ان کے نائب ڈاکٹر صفوت حجازی اور مہم کے ترجمان ڈاکٹر صلاح سلطان اور حاجن یاسمین الحصری شامل ہونگی۔