رام اللہ (روز نامہ قدس ۔آن لائن خبر رساں ادارہ) اسرائیلی فوج نے حراست میں لیے گئے اسلامی تحریک مزاحمت حماس کے مرکزی رہنما الشیخ حسن یوسف کو چھ ماہ کی قابل تجدید انتظامی حراست میں منتقل کر دیا ہے۔
روز نامہ قدس کو موصول ہونے والی اطلاعات کے مطابق اسرائیلی حکام نے الشیخ حسن یوسف کو سوموار کے روز چھ ماہ کے لیے انتظامی قید میں ڈال دیا۔
اسرائیلی فوج نے انہیں 2 اپریل 2019ء کو رام اللہ میں ان کی رہائش گاہ سے حراست میں لے لیا تھا۔
الشیخ حسن یوسف جیل سے رہائی کے صرف چار ماہ بعد دوبارہ گرفتار کرلیے گئے ہیں۔انہیں پچھلے سال اکیس اکتوبر کو مسلسل 10 ماہ قید میں رکھنے کے بعد رہا کیا تھا۔
الشیخ حسن غرب اردن میں حماس کے مرکزی رہنما اور پارلیمنٹ کے رکن ہیں۔ وہ 23 سال تک اسرائیلی جیلوں میں قید کاٹ چکےہیں۔