(روز نامہ قدس ۔آنلائن خبر رساں ادارہ ) الجزائر نے عالمی پارلیمانی کمیٹی میں اسرائیل کی شرکت کے باعث بین الاقوامی پارلیمنٹ کی "انسداد دہشت گردی کمیٹی” کی صدارت سے دستبرداری کا اعلان کردیا۔
فلسطینی ذرائع ابلاغ کے مطابق الجزائر کی پارلیمنٹ نے سرکاری ویب سائٹ پر جاری اپنے بیان میں کہا ہے کہ الجزائر بحرین کے دارالحکومت منامہ میں منعقد ہ ہونے والی بین الاقوامی پارلیمنٹ کی 146ویں "انسداد دہشت گردی کمیٹی” کے اجلاس سے غیر قانونی صہیونی ریاست کو رکنیت دیے جانے کے خلاف احتجاجی طورپر دستبرداری کا اعلان کرتی ہے۔
بیان میں اس بات کی تصدیق کی کہ یہ فیصلہ مسئلہ فلسطین کے حوالے سے الجزائر کے پختہ موقف اور قابض ریاست کے ساتھ تعلقات معمول پر لانے کےخلاف الجزائرکےاصول کی عکاسی کرتا ہے۔
فلسطینی قانون ساز کونسل نے الجزائر کے اس اقدام کا خیر مقدم کیا ہے۔ کونسل کے نائب اسپیکر "منذر بودن” کی بین الاقوامی پارلیمنٹ کی انسداد دہشت گردی کمیٹی کی سربراہی سے دستبرداری کو سرہا۔ کیونکہ اس کی رکنیت میں اسرائیلی قابض ریاست کا انتخاب کیا گیا تھا۔
واضح رہے کہ الجزائر کی قومی عوامی اسمبلی نے نشاندہی کی کہ الجزائر کو کمیٹی کا چیئرمین منتخب کیے جانے کے بعد، "مذکورہ بالا باڈی کے نئے اراکین کو جنرل اسمبلی نے منظور کیا، جن میں مملکت سعودی عرب، سلطنت عمان، میکسیکو، ایران، بھارت ، سویڈن، اور اسرائیل کی نمائندگی دی گئی تھی۔۔”