اسرائیلی حکام نے مقبوضہ بیت المقدس سے تعلق رکھنے والی فلسطینی خاتون صحافی چھبیس سالہ اسراء سلھب کو دو ہفتے حراست میں رکھنے کے بعد رہا کر دیا ہے۔ مقامی ذرائع کے مطابق اسرائیلی عدالت نے القدس میں ایک سماعت کے دوران فلسطینی سیٹلائٹ چینل ’’القدس‘‘ کے معروف پروگرام ’’احرار‘‘ کی پیش کار اسراء سلھب کی رہائی کے احکامات جاری کر دیے ہیں۔
قابض اسرائیلی سکیورٹی فورسز نے اسراء سلھب کو اس ماہ کے وسط میں المسکوبیہ تفتیشی مرکز میں طلب کرکے حراست میں لے لیا تھا۔ خیال رہے کہ اسرائیلی فوج نے خاتون صحافی کے شوہر شادی زاھدہ کو ایک ماہ سے زائد عرصے سے گرفتار کر رکھا ہے۔ انہیں آئندہ جمعے کے روز عدالت کے سامنے پیش کیا جائے گا۔