رام اللہ (روز نامہ قدس ۔آن لائن خبر رساں ادارہ) فلسطین کی ایک بڑی سیاسی جماعت ’’عوامی محاذ‘‘ برآئے آزادی فلسطین نے غرب اردن کو اسرائیلی انتخابی پروپیگنڈے کا میدان بنائے جانے کی شدید مذمت کی ہے۔
روز نامہ قدس کو موصول ہونے والی اطلاعات کے مطابق عوامی محاذ کی طرف سے جاری کردہ ایک بیان میں کہا گیا ہےکہ اسرائیلی فوج صیہونی حکومت کی سرکاری سرپرستی میں غرب اردن میں جنگی جرائم، فلسطینیوں کے قتل عام اور انسانیت کے خلاف جرائم کا سلسلہ جاری رکھے ہوئے اور فلسطینیوں کے خون کی قیمت پر اسرائیلی انتہا پسند 9 اپریل کو کنیسٹ کے ہونے والے انتخابات جیتنا چاہئے ہیں۔
عوامی محاذ نے خبردار کیا ہے کہ اسرائیلی حکومت نے غرب اردن میں جنگی جرائم کو اپنی انتخابی مہم کا میدان بنا لیا ہے۔ فلسطینیوں کے قتل کو انتخابات میں کامیابی کے جرائم کے لیے استعمال کیا جاتا ہے۔
عوامی محاذ نے اریحا میں ایک فلسطینی نوجوان سلامہ کعابنہ کی شہادت کو جنگی جرم قرا دیا۔ بیان میں فلسطینی شہداء واسیران کے مالی وظائف روکنے اور فلسطینی اتھارٹی کے ٹیکسوں کی ادائیگی روکنے کو بھی نسل پرستانہ اور فلسطین دشمنی پرمبنی پالیسی قرار دیا۔