اردن کے دارلحکومت عمان میں اسرائیلی سفارتخانے کے قریب سیکڑوں شہریوں نے احتجاجی مظاہرہ کیا جس میں فلسطینی عوام سے متعلق اسرائیلی پالیسیوں کی مذمت کی گئی۔ مظاہرے میں شریک افراد مغربی کنارے اور مقبوضہ بیت المقدس میں اسرائیل کے توسیع پسندانہ عزائم کے خلاف شدید نعرہ بازی کرتے رہے۔
شرکاء ایک دوسرے کا دل گرمانے کے لئے فلسطینی ثقافت کے مظہر ملی نغمے اور گیت بھی گاتے رہے۔ اردن کے قانون نافذ کرنے والوں اہلکاروں کی بھاری نفری نے مظاہرے کے شرکاء کو اسرائیلی سفارتخانے کی جانب مارچ سے روکا لیا جس کے بعد انہوں نے الکالوتی مسجد کے باہر احتجاجی دھرنا اور جلسہ منعقد کیا۔
اس احتجاجی دھرنے میں متعدد اہم دانشور، سیاستدان اور یوتھ انجموں کے نمائندے موجود تھے جنہوں نے ہاتھوں میں بینرز اور پلے کارڈز اٹھا رکھے تھے جس پر اسرائیلی منصوعات کے بائیکاٹ اور دوسرے مذمتی نعرے درج تھے۔ ایک بنیر پر اردن سے اپنے صدر مقام میں اسرائیلی سفارتخانہ بند کرنے کا مطالبہ بھی نمایاں طور پر درج تھا۔
مرکزاطلاعات فلسطین