رام اللہ (روز نامہ قدس ۔آن لائن خبر رساں ادارہ) اسرائیلی فوج کی ایلیٹ فورس کے اہلکاروں نے پولیس کے ہمراہ ’’عوفر‘‘ جیل کے وارڈ 17 پر قیدیوں پر دھاوا بولا اور نہتے فلسطینی اسیران پر وحشیانہ تشدد کیا۔
روز نامہ قدس کو موصول ہونے والی اطلاعات کے مطابق ’’ڈرور‘‘ نامی کمانڈو یونٹ کے اہلکاروں نے پولیس کے ہمراہ جیل کے وارڈ 17 میں قیدیوں کے کمروں پر چھاپہ مارا۔ انہوں نے قیدیوں کے کمروں میں گھس کر توڑ پھوڑ کی اور سامان اُٹھا کر باہر پھینک دیا۔
فلسطینی محکمہ امور اسیران کے مطابق اسرائیلی فوج نے جیل کے 10 وارڈوں کے دروازے بند کر دیئے، جس کے نتیجے میں جیل میں قیدیوں میں تشویش کی لہر دوڑ گئی۔ اسرائیلی فوج اور پولیس کی غنڈہ گردی کے خلاف بہ طور احتجاج فلسطینی اسیران نے کھانے کا بائیکاٹ کیا اور بھیجے گئے کھانے واپس کر دیے۔