سلفیت (روز نامہ قدس ۔آن لائن خبر رساں ادارہ) اسرائیلی فوج نے شہید فلسطینی عمر ابو لیلیٰ کے غرب اردن میں موجود مکان کی مسماری کے لیے ان کے گھر پر چھاپہ مارا۔
روز نامہ قدس کو موصول ہونے والی اطلاعات کے مطابق شہید عمر ابو لیلیٰ ارئیل صیہونی کالونی میں ایک فدائی حملے کے دوران مارے گئے تھے۔
مقامی فلسطینی ذرائع نے بتایا کہ اسرائیلی فوج کی چھ گاڑیوں نے سلفیت میں واقع شہید ابو لیلیٰ کے گھر کا محاصرہ کیا۔انہوں نے مکان کی مسماری کے لیے اس کی پیمائش اور اس کے بعد وہاں سے چلے گئے۔ اس دوران اسرائیلی فوج نے شہید فلسطینی کے گھر میں گھس کر وہاں پر موجود فلسطینیوں کو ہراساں بھی کیا۔
مقامی فلسطینی ذرائع کا کہنا ہے کہ اسرائیلی فوج نے مکان میں بعض مقامات پر کھدائی بھی کی اور چاک کی مدد سے مکان کی دیواروں پر جگہ جگہ نشان لگائے جہاں جہاں سے مکان کی مسماری کےلیے بارود نصب کیا جائے گا۔