الخلیل (روز نامہ قدس ۔آن لائن خبر رساں ادارہ) اسرائیلی فوج نے فلسطین کے مقبوضہ مغربی کنارے کے جنوبی شہر الخلیل میں سوسیا کے مقام پر فلسطینیوں کے خیمے مسمار کر ڈالے جس کے نتیجے میں ایک درجن افراد کھلے آسمان تلے زندگی گزارنے پر مجبور ہیں۔
روز نامہ قدس کو موصول ہونے والی اطلاعات کے مطابق مقامی فلسطینی سماجی کارکن راتب الجبور نے بتایا کہ اسرائیلی فوج نے سوسیا کے مقام پر فلسطینی شہریوں کے متعدد خیمے مسمار کردیے جس کے نتیجے میں 10 افراد بے گھر ہو گئے۔ ان میں زیادہ تر بچے اور خواتین شامل ہیں۔
قدس پریس سے بات کرتے ہوئے راتب الجبور نے بتایا کہ اسرائیلی فوج ریاستی جبر کامظاہرہ کرتے ہوئے فلسطینی شہریوں کو گھروں سے محروم کر رہی ہے اور فلسطینی شہریوں کو جبری ہجرت پر مجبور کیا جا رہا ہے۔