وادی اردن (روز نامہ قدس ۔آن لائن خبر رساں ادارہ) فلسطین کے مقبوضہ مغربی کنارے کے نواحی علاقے وادی اردن میں اسرائیلی فوج نے فلسطینی شہریوں کے گھروں میں گھس کر تلاشی کی آڑ میں قریبا 80 ہزار شیکل کی رقم لوٹ لی۔
روز نامہ قدس کو موصول ہونے والی اطلاعات کے مطابق وادی اردن میں اسرائیلی فوج نے فلسطینیوں کے متعدد رہائشی مکانات اور مال مویشی کے لیے بنائے گئے باڑے بلڈوزورں کی مدد سے مسمار کر دیے۔
مقامی سماجی کارکن عارف دراغمہ نے بتایا کہ اسرائیلی فوج نے وادی اردن میں فصائل کے مقام پر فلسطینیوں کے گھروں پر بلڈوزر چڑھا دیے اور متعدد فلسطینیوںکو گھروں سے محروم کر دیا۔اسرائیلی فوج نے فلسطینیوں کے گھروں میں گھس کر لوٹ مار کی اور تقریبا 80 ہزار شیکل کی رقم لوٹ لی گئی۔