اسرائیلی فوج نےفلسطینیوں کو زرعی زمینوں میں جانے سے روک دیا

(روزنامہ قدس ۔آن لائن خبر رساں ادارہ) قابض صیہونی فوج نے فلسطینیوں کو زیتون کی تیار فصل کی دیکھ بھال کرنے اور اپنی زرعی زمینوں میں جاکر کام کرنے سے روک دیا ہے۔

مقامی زرائع سے حاصل اطلاعات کےمطابق صیہونی فوج نے مقبوضہ بیت المقدس کے  شہر نابلس کے مشرقی قصبے  سالم میں فلسطینیوں کو زرعی زمینوں میں جاکر کام کرنے اور زیتون کی تیار فصل کی دیکھ بھال کرنے سے روک دیا ہے ۔

واضح رہے کہ فلسطین  میں زیتون کی فصل  تیار ہے اور امید کی جارہی ہے کہ رواں سال 50 ٹن سے زیادہ زیتون کی پیداور ہوگئی جبکہ فلسطین دنیا میں زیتون کی پیداور میں دوسرے نمبر پر ہے۔