اسرائیلی فوج نے ریاستی دہشت گردی کا مظاہرہ کرتے ہوئے جمعہ کو علی الصباح مقبوضہ مغربی کنارے کے جنوبی شہر الخلیل میں تل الرمیدہ کے مقام پر دو فلسطینی نوجوانوں کو گولیاں مار کر شہید کردیا ہے۔ اسرائیلی فوجیوں نے دعویٰ کیا ہے کہ شہید کیے گئے دونوں فلسطینی لڑکے یہودی فوجیوں پرحملوں کی تیاری کررہے تھے۔
رپورٹ میں بتایا ہے کہ تل الرمیدہ میں ایک فلسطینی شہری نے یہودی فوجی پر چاقو سے حملہ کیا جس کے نتیجے میں وہ معمولی زخمی ہوا ہے۔ اس دوران اسرائیلی فوجیوں نے فائرنگ کرکے دونوں فلسطینیوں کو شہید کردیا۔
رپورٹ کے مطابق شہید ہونے والے دونوں فلسطینیوں کی شںاخت طاھر فیصل فنون اور اس کے چچاز زاد مصطفیٰ فضل فنون کے ناموں سے کی گئی ہے۔ طاہر کی عمر 22 جب کہ مصطفی فنون کی 18 سال بتائی جاتی ہے۔
ادھر رات گئے اسرئیلی فوجیوں نے بیت المقدس میں دو فلسطینیوں کو گولیاں مار کر شہید کردیا تھا جب کہ ایک فلسطینی نوجوان کو جمعرات کو بیت المقدس کے ابو دیس قصبے میں گولیاں ماری گئیں جس کےنتیجے میں وہ جام شہادت نوش کرگیا۔ یوں چوبیس گھنٹوں میں اسرائیلی فوج کی دہشت گردی میں 5 فلسطینی شہید اور سو کے قریب زخمی ہوچکے ہیں۔