اسرائیلی سکیورٹی فورسز نے مقبوضہ بیت المقدس میں فلسطینیوں کی ایک پرامن ریلی پر حملہ کرکے شرکاء کو تشدد کا نشانہ بنایا ہے۔ یہ ماہ ایک ماہ بعد آنے والے یوم نکبہ کی یاد میں نکالی جا رہی تھیں۔ فلسطینی ہر سال پندرہ مئی کو فلسطین پر اسرائیلی قبضے کی یاد میں پندرہ مئی کو یوم نکبہ مناتے ہیں۔
اسرائیلی فوج نے یوم نکبہ سے ایک ماہ قبل نکالی جانے والی فلسطینیوں کی اس احتجاجی ریلی پر حملہ کرکے پانچ افراد کو گرفتار بھی کرلیا، تاہم کچھ دیر حراست کے بعد تین کو رہا کردیا جبکہ دو کی مدت حراست میں توسیع کردی گئی۔ ان دونوں سے مزید تفتیش شروع کردی گئی ہے۔
واضح رہے کہ گزشتہ چند روز سے القدس کے حالات انتہائی کشیدہ ہیں، یہودی تنظیموں نے مسجد اقصی پرمکمل تسلط کی حمایت اور مسجد کے احاطوں میں تلمودی عبادات کی کھلے عام اجازت کے لیے ریلی کا اعلان کر رکھا ہے جس کے بعد اس ریلی کی حفاظت کے لیے شہر میں اسرائیلی سکیورٹی فورسز کی بڑی تعداد موجود ہے۔
بشکریہ:مرکز اطلاعات فلسطین