(وز نامہ قدس ۔آنلائن خبر رساں ادارہ) امریکی سینیٹر برنی سینڈرز نے اسرائیلی وزیرِ اعظم بنجمن نیتن یاہو کی حکومت پر فلسطین میں نسل کشی کی تصدیق کرتے ہوئے کہا ہے کہ صیہونی حکومت غزہ کی میں جنگی جرائم اور نسلی تطہیر کا ارتکاب کر رہی ہے۔
برنی سینڈرز نے سماجی رابطوں کے پلیٹ فارم پراپنے بیان میں کہا کہ نیتن یاہو کی حکومت فلسطینیوں کے خلاف بھوک کو ہتھیار کے طورپر استعمال کرتے ہوئے ہزاروں شہریوں کا قتل عام کر کے نسل کشی کے عمل میں ملوث ہے۔ انہوں نے سابق اسرائیلی وزیر دفاع موشے یعلون کے بیان کی تائید کرتے ہوئے کہا کہ یعلون نے بالکل درست کہا ہے کہ اسرائیل غزہ میں جنگی جرائم کا ارتکاب کر رہا ہے۔
گذشتہ روز صیہونی ریاست کے سابق وزیر دفاع موشے یعلون نے بھی غزہ میں اسرائیلی فوج کے ہاتھوں جنگی جرائم کی تصدیق کرتے ہوئے کہا کہ یہ جرائم اسرائیلی حکومت کی کوششوں کے باوجود عوام سے چھپانے کی کوشش کی جا رہی ہیں۔ انہوں نے اپنے سابقہ بیانات کی ذمہ داری قبول کرتے ہوئے کہا کہ اسرائیلی فوج شمالی غزہ میں جنگی جرائم کے مرتکب ہو رہی ہے۔ ان بیانات کے بعد سینڈرز نے امید ظاہر کی کہ مزید فوجی رہنما بھی یعلون کے موقف کی تائید کریں گے۔