اسرائیلی جیل میں آگ نے فلسطینی اسیران کے کمروں کو اپنی لپیٹ میں لے لیا

رام اللہ (روز نامہ قدس ۔آن لائن خبر رساں ادارہ) اسرائیل کے ’’رامون‘‘ جیل سوموار کے روز اچانک بھڑک اٹھنے والی آگ نے کئی فلسطینی اسیران کے کمروں کو اپنی لپیٹ میں لے لیا۔

روز نامہ قدس کو موصول ہونے والی اطلاعات کے مطابق اسرائیل کے جیل ذرائع نے بتایا کہ ’’رامون‘‘ جیل میں لگنے والی آگ نے 3 کمروں کو اپنی لپٹ میں لے لیا تاہم اس سے کوئی جانی نقصان نہیں ہوا۔ آتش زدگی سے جیل کا سامان اور قیدیوں کے کپڑے اور دوسری اشیاء جل کر راکھ ہوگئی ہیں۔

درایں اثناء کلب برائے اسیران نے اپنی رپورٹ میں بتایا ہے کہ ریمون جیل کے وارڈ نمبر 1 میں آگ لگنے کے بعد کشیدگی کا ماحول پیدا ہوگیا۔ قیدی اللہ اکبر کے نعرے لگاتے کمروں سے باہر نکل آئے۔

کلب برائے اسیران کے مطابق آگ اس وقت لگی جب اسرائیلی انتظامیہ نے جیل سے 120 میں سے 90 اسیران کو وارڈ ایک سے 7 میں منتقل کیا۔