غزہ (روز نامہ قدس ۔آن لائن خبر رساں ادارہ) فلسطینی تجزیہ نگار اور فلسطینی اسیران کے امور کے ماہر عبدالناصر فروانہ نے کہا ہے کہ صیہونی زندانوں میں شام اور اردن کے 23 فلسطینی پابند سلاسل ہیں۔
روز نامہ قدس کو موصول ہونے والی اطلاعات کے مطابق انسانی حقوق کے مندوب ناصر فروانہ نے کہا کہ اسرائیلی جیلوں میں اردن کے 21 شہری پابند سلاسل ہیں۔ اس کے علاوہ شام کے دو شہری صیہونی جیلوں میں قید ہیں۔ کچھ عرصہ قبل اسرائیلی پولیس نے وادی گولان سے 4 شامی شہریوں کو حراست میں لیا تھا۔ انہیں گھروں میں نظربند کیا گیا ہے۔
ناصر فروانہ نے کہا کہ اسرائیلی زندانوں میں قید عرب شہریوں میں 7 کو عمر قید کی سزاؤں کا سامنا ہے۔ ان میں سے 15 اسیران اڑھائی سے 27 سال تک قید کاٹ چکے ہیں۔