فلسطین پیپلز ڈیموکریٹک فرنٹ برائے آزادی فلسطین کے اسیر رہنما احمد سعدات کی اہلیہ عبلہ سعدات نے امید ظاہر کی ہے کہ اسرائیلی حکومت گیلاد شالیت کے تبادلے میں ان کے شوہر کو بھی رہا کردے گی۔ غزہ میں اپنے ایک بیان میں انہوں نے کہا کہ اسرائیل اور حماس کی جانب سے اب تک انہیں موصول ہونے والی اطلاعات کے مطابق ان کے اسیر شوہر کی رہائی یقینی قراردی گئی ہے۔ تاہم انہوں نے وضاحت کی کہ قیدیوں کی رہائی کب تک عمل میں لائی جائے گی اس کے بارے میں کوئی معلومات فراہم نہیں گئیں۔ عبلہ سعدات نے حیرت کا اظہار کیا کہ القسام بریگیڈ کے جانثاروں نے کس طرح تین سال سے گیلاد شالیت کو چھپا رکھا ہے اور انٹیلی جنس کے جدید ترین وسائل ہونے کے باوجود اسرائیلی حکام اپنے مغوی فوجی تک رسائی میں مکمل طور پر ناکام رہے ہیں۔ انہوں نے مجاہدین اور حماس کی جانب سے گیلاد شالیت سے متعلق ہر قسم کے دباؤ کو مسترد کیے جانے کی بھی تعریف کی اور کہا کہ حماس نے قیدیوں کے معاملے میں نہایت دلیری اور جرات کا مظاہرہ کرکے اسرائیل کو اپنی شرائط تسلیم کرنے پرمجبور کیا ہے۔ عبلہ نے اسرائیلی جیلوں سے 20 فلسطینی خواتین کی رہائی پرمسرت کا اظہار کرتے ہوئے امید ظاہر کی کہ اسرائیلی جیلوں میں تمام فلسطینی قیدی جلد اپنے گھروں میں واپس پہنچ جائیں گے۔ واضح رہے کہ احمد سعدات کو اسرائیلی فوج نے 2001ء میں ریحا سے گرفتار کیاگیا تھا، اسرائیلی عدالت نے انہیں 30 سال قید کی سزا سنا رکھی ہے۔
احمد سعدات کی اہلیہ اپنے اسیر شوہر کی رہائی کےلیے پرامید
فلسطین پیپلز ڈیموکریٹک فرنٹ برائے آزادی فلسطین کے اسیر رہنما احمد سعدات کی اہلیہ عبلہ سعدات نے امید ظاہر کی ہے کہ اسرائیلی حکومت گیلاد شالیت کے تبادلے میں ان کے شوہر کو بھی رہا کردے گی۔ غزہ میں اپنے ایک بیان میں انہوں نے کہا کہ اسرائیل اور حماس کی جانب سے اب تک انہیں موصول ہونے والی اطلاعات کے مطابق ان کے اسیر شوہر کی رہائی یقینی قراردی گئی ہے۔ تاہم انہوں نے وضاحت کی کہ قیدیوں کی رہائی کب تک عمل میں لائی جائے گی اس کے بارے میں کوئی معلومات فراہم نہیں گئیں۔ عبلہ سعدات نے حیرت کا اظہار کیا کہ القسام بریگیڈ کے جانثاروں نے کس طرح تین سال سے گیلاد شالیت کو چھپا رکھا ہے اور انٹیلی جنس کے جدید ترین وسائل ہونے کے باوجود اسرائیلی حکام اپنے مغوی فوجی تک رسائی میں مکمل طور پر ناکام رہے ہیں۔ انہوں نے مجاہدین اور حماس کی جانب سے گیلاد شالیت سے متعلق ہر قسم کے دباؤ کو مسترد کیے جانے کی بھی تعریف کی اور کہا کہ حماس نے قیدیوں کے معاملے میں نہایت دلیری اور جرات کا مظاہرہ کرکے اسرائیل کو اپنی شرائط تسلیم کرنے پرمجبور کیا ہے۔ عبلہ نے اسرائیلی جیلوں سے 20 فلسطینی خواتین کی رہائی پرمسرت کا اظہار کرتے ہوئے امید ظاہر کی کہ اسرائیلی جیلوں میں تمام فلسطینی قیدی جلد اپنے گھروں میں واپس پہنچ جائیں گے۔ واضح رہے کہ احمد سعدات کو اسرائیلی فوج نے 2001ء میں ریحا سے گرفتار کیاگیا تھا، اسرائیلی عدالت نے انہیں 30 سال قید کی سزا سنا رکھی ہے۔