یہودی آبادکاروں نے نابلس کے جنوب میں مدمع گائوں میں ایک زیر تعمیر فلسطینی گھر کو آگ لگا دی۔ مغربی کنارے کے شمال میں یہودی آبادکاری کی سرگرمیوں پر نظر رکھنے کے ذمہ دار غسان دغلس نے بتایا ہے کہ یہودی آبادکار یتسھار بستی سے آئے تھے جو کہ نابلس کے جنوب میں فلسطینی زمینوں پر قائم ہے۔
غسان نے مزید بتایا کہ وہ گھر تقریبا مکمل ہوچکا تھا اور مالک مکان اس میں منتقل ہونے کی تیاری کررہے تھے۔ اس حملے کے نتیجے میں گھر کی تعمیر میں استعمال ہونے والا سامان جس میں لکڑی اور پائپیں شامل ہیں، تباہ ہوگیا۔
غسان نے بتایا کہ یہ گھر مدمع کے شمال میں ایک پانی کی ٹینکی کے پاس واقع ہے جو کہ حال ہی میں تعمیر ہوئی ہے۔ دغلس کے مطابق یہودی آبادکاروں نے اس ٹینکی کی تعمیر پر اعتراض کیا تھا کیوںکہ ان کے مطابق یہ علاقہ یہودی بستی کی حدود میں آتا ہے۔
بشکریہ:مرکزاطلاعات فلسطی