یورپی ممالک میں سرگرم مختلف مخیر تنظیموں اور شخصیات کے تعاون سے فلسطینی محصورین کی امداد کےلیے ایک امدادہ قافلہ آج اتوار کو مصرکے راستے غزہ کی پٹی میں داخل ہوگیا۔
ذرائع کے مطابق مختلف یورپی ملکوں کے امدادی کارکن قاہرہ پہنچ چکے ہیں اور انہوں نے قافلے کےلیے ریلیف کے سامان کی تیاری مکمل کرلی ہے جس کے بعد قافلہ آج کسی بھی وقت رفح بارڈر سے غزہ میں داخل ہوگا۔
مرکز اطلاعات فلسطین کے مطابق مختلف یورپی ملکوں ہالینڈ، بلیجیم، اٹلی، آسٹریا، اسپین، ڈنمارک، برطانیہ اور فرانس کی امدادی تنظیموں کی ٹیمیں پرسوں چوبیس فروری کو قاہرہ آنا شروع ہوگئی تھیں۔ وفود کی آمد کا سلسلہ کل بھی جاری رہا۔
براعظم یورپ سے آنے والے یہ امدادی کارکن کئی قسم کا امدادی سامان اپنے ہمراہ لائے ہیں تاہم اسکے علاوہ ریلیف کا ضروری سامان قاہرہ سے بھی خریدا گیا ہے۔
امدادی قافلےکا اہتمام کرنےوالی یورپی تنظیم”یورپین ۔ فلسطین ہیومینٹیرین ایکشن کوآرڈینیشن” کےعہدیداروں نے بتایا کہ ان کے قافلے میں کئی یورپی ممالک کی انسانی حقوق کے رضاکار شامل ہیں۔ ہم سب غزہ کے محصورین کی مدد کے لیے آرہے ہیں۔ ہمارا مقصد فلسطینی شہرغزہ کی پٹی میں چھ سال سے جاری معاشی ناکہ بندیوں کا شکار مظلوم فلسطینی عوام ،بچوں اور عورتوں کی مدد کو یقینی بنانا ہے۔
بشکریہ: مرکز اطلاعات فلسطین