اسرائیلی فوج کی فلسطینیوں کےخلاف جاری ریاستی دہشت گردی میں مدد فراہم کرنے والی عالمی کمپیوٹر ساز اور سافٹ ویئر کمپنیوں کےخلاف انسانی حقوق کے ادارے پہلی مرتبہ متحرہ ہوئے ہیں۔
مرکزاطلاعات فلسطین کے مطابق اسرائیلی فوج کی فلسطینیوں کے خلاف جارحیت میں جدید آلات کی فراہمی میں مدد دینے والی عالمی فرموں کےخلاف عرب لیگ کی انسانی حقوق کمیٹی نے مقدمہ چلانے کا مطالبہ کیا ہے۔
عرب لیگ کی انسانی حقوق کمیٹی کی جانب سے جاری ایک بیان میں کہا کیا ہے کہ کمپیوٹرسافٹ ویئر اور جدید آلات کی فراہمی میں دنیا کی کئی بڑی فرمیں ملوث ہیں۔ ان میں "ہیلوٹ” اور "ایچ پی” دو بڑی عالمی فرمیں ہیں جو صہیونی فوج کو جدید ترین کمپیوٹر ٹیکنالوجی فراہم کر رہی ہیں۔
رپورٹ کے مطابق جو فرمیں اسرائیل جو جدید ترین مواصلاتی نظام اور جدید ترین کمپیوٹر اور لیپ ٹاپ فراہم کر رہی ہیں، ان کے عرب ممالک میں بھی مفادات اور کاربار ہیں۔ مذکورہ دونوں کمپنیاں بھی اسرائیلی فوج کی مدد کرنے کے ساتھ ساتھ عرب ممالک اور عالم اسلام میں بھی اپنا ایک وسیع نیٹ ورک رکھتی ہیں۔ انسانی حقوق کی تنظیم نے مطالبہ کیا ہے کہ عالم اسلام اور عرب ممالک ان تنطیموں کا نہ صرف بائیکاٹ کریں بلکہ ان کےخلاف انسانی حقوق کی عدالتوں میں مقدمات چلائے جائیں۔
رپورٹ کےمطابق کمپیوٹر لیپ ٹاپ اور اس کے ٹیکنالوجی تیار کرنے والی سب سے بڑی فرہم "ایچ پی” کے دنیا کے170 ممالک میں کاروباری مراکز ہیں، جن میں تین لاکھ افراد ملازمت کرتے ہیں۔ اس فرم کی سالانہ آمد ایک ارب چھبیس کروڑ ڈالرز سے زیادہ ہے۔ یہ فرم اپنی آمدن کا ایک بڑا حصہ صہیونی فوجیوں اور یہودیوں کو فراہم کرتی ہے جو وہ اس کے بعد فلسطین میں انسانی حقوق کی خلاف ورزیوں میں استعمال کرتے ہیں۔