مغربی کنارہ: یہودی شرپسندوں کا فلسطینی چرواہوں پر وحشیانہ تشدد

فلسطین میں غاصب یہودیوں کی غنڈہ گردی جاری ہے۔ یہود گردی سے فلسطینیوں کے ساتھ ان کے جانور بھی انتقام کا نشانہ بن رہے ہیں۔ مرکز اطلاعات فلسطین کے مطابق مغربی کنارے کے شہر بیت لحم میں یہودی آباد کاروں نے فلسطینی چرواہوں اور ان کے مویشیوں کو بھی نشانہ بنایا۔یہ واقعہ مشرقی بیت لحم میں بیت تعمر قصبے میں اس وقت پیش آیا جب یہودی انتہا پسندوں کے ایک گروپ نے نہتے چرواہوں کو گھیرے میں لے کر ان پر تشدد کیا۔ چرواہوں کے ساتھ ان کی بھیڑ، بکریوں اور ایک گائے کو زخمی کردیا گیا۔بیت لحم میں یہودی آباد کاری کے خلاف سرگرم پاپولر مزاحمتی کمیٹی کے چیئرمین حسن بریجیہ نے مرکزاطلاعات فلسطین کو بتایا کہ شرپسند  یہودی آباد کاروں کا تعلق شہر ’’نوکادیم‘‘ یہودی کالونی سے تھا جو پہلے بھی فلسطینیوں اور ان کی املاک پر حملے کرتے رہے ہیں۔حسن بریجیہ نے بتایا کہ یہودی آباد کاروں نے مقامی فلسطینی شہری ابراہیم عبدالحئی صومان کی بکریوں اور ان کی گائے کو لاٹھیاں ما کر زخمی کردیا۔ انہوں نے کہا کہ یہودیوں کا فلسطینیوں پرحملہ اسرائیلی فوج کی نگرانی میں ہوتا رہا جو کچھ ہی فاصلے پر کھڑے یہودیوں کے ہاتھوں فلسطینیوں کو پٹتا دیکھ کر محظوظ ہوتے رہے۔ فلسطینی عہدیدار کا کہنا تھا کہ قابض فوج صرف اس وقت مداخلت کرتی ہے جب یہودی غنڈوں کی زندگی خطرے میں ہو۔