صہیونی فوج کے ایک جاسوس طیارے نے مصر کی سرزمین پر جارحیت کرکے اسلامی جہاد کی تحریک کے ایک کارکن کو شہید کردیا –
پریس ٹی وی نے مصر کے سیکورٹی حکام کے حوالے سے اعلان کیا کہ اسلامی جہادکی تحریک کے ایک کارکن” ابراهیم عویده ناصر” مصر کی سرزمین میں گذشتہ روز ہونیوالے صہیونی ڈرون حملے میں شہید ہوگیا – رپورٹ کے مطابق یہ حملہ مقبوضہ فلسطین کی سرحد سے 15 کلومٹر دور سنائی کے”الکاسیہ” گاؤں کے ایک نواحی علاقے میں کیا گیا
فلسطینی ذرائع کے مطابق حالیہ دو ہفتوں کے دوران مصر کی سرزمین پر صہیونی فوج کے ڈرون حملوں میں اضافہ ہوا ہے
ادھر فلسطین سے موصولہ رپورٹ کے مطابق صہیونی حکومت کے جنگی ہیلی کاپٹروں نے آج صبح سویرے غزہ پٹی میں حماس کے3 تعلیمی کیمپوں پر حملہ کیا – ان حملوں میں کوئی جانی نقصان نہیں ہوا-
صہیونی حکام نے دعوی کیا ہے کہ ان کیمپوں میں ہتھیاروں کے بڑے ذخیرے موجود تھے –