اسلامی مسیحی کمیشن برائے بیت المقدس اور مقدس مقامات کے سیکریٹری جنرل حنا عیسٰی نے اسرائیل کی جانب سے فلسطینی گھروں کی مسماری کے احکامات کی مذمت کی ہے۔ اسرائیلی حکام نے مقبوضہ بیت المقدس کے علاقے سلوان میں متعدد فلسطینی گھروں کو پرمٹ کے بغیر تعمیر کرنے پر مسمار کرنے کے احکامات جاری کردئیے ہیں۔
ایک بیان میں حنا عیسٰی نے کہا ہے کہ اسرائیل کی فلسطینی املاک کو مسمار کرنے کی پالیسی بین الاقوامی انسانی حقوق کے قوانین کی خلاف ورزی کرتی ہے اور اس کا مقصد فلسطینیوں کو ان کے گھروں سے بے دخل کر کے ان کی زمینوں کو اپنے قبضے میں کرنا ہے۔
انہوں نے بتایا کہ اسرائیلی حکام فلسطینی گھروں کے مسماری کے احکامات جاری کرنے کے لئے جھوٹ گھڑتے ہیں اور کمزور بہانوں کا سہارا لیتے ہیں۔ عیسٰی نے کہا کہ بیت المقدس میں موجود فلسطینی گھر تقریبا روزانہ ہی اسرائیلی کارروائیوں کا سامنا کرنا پڑتا ہے اور اسرائیلی حکومت مقبوضہ مغربی کنارے اور بیت المقدس میں نئی یہودی بستیاں تعمیر کرنے کا سلسلہ جاری کررہا ہے۔
دریں اثناء قابض اسرائیلی فوج نے پیر کی صبح مقبوضہ بیت المقدس کے علاقے طور میں دو گھروں کو بغیر پرمٹ تعمیر کرنے پر مسمار کردیا۔ ان گھروں میں سے ایک کے مالک کے مطابق اسرائیلی بلدیہ نے متعدد بار بیت المقدس کے رہائشیوں کو تعمیری پرمٹ دینے سے انکار کیا ہے اور پھر اس کے بعد وہ انہیں پرمٹ نہ لینے پر دو بار جرمانہ بھی کر چکی ہے۔
بشکریہ:مرکزاطلاعات فلسطین