فلسطینی اتھارٹی کے سربراہ محمود عباس پرسوں اتوار کو روس کے سرکاری دورے پر ماسکو جائیں گے۔ ان کے ہمراہ فلسطینی اتھارٹی کا ایک اعلیٰ اختیاراتی وفد بھی روس جائے گا جہاں ان کی ملاقات روسی صدر، وزیراعظم اور دیگر اہم رہ نمائوں سے ہوگی۔
مرکزاطلاعات فلسطین کے مطابق صدر محمود عباس اپنے روسی ہم منصب ولادی میر پوتین، وزیراعظم دیمتری میدویو، ماسکو کے پیٹرک کیریل اور روسی افتاء کونسل کے سربراہ الشیخ راوی عین الدین سے بھی ملاقات کریں گے۔
روسی رہ نمائوں سے ملاقات میں فلسطین کی موجودہ صورت حال، مشرق وسطیٰ میں جاری جنگوں، فلسطین۔ روس تعلقات اور علاقائی اور عالمی مسائل بھی بات چیت کی جائے گی۔
بشکریہ:مرکزاطلاعات فلسطین