قیدیوں کے تبادلے کے متعلق ’’شاباک‘‘ بے بنیاد خبریں پھیلا رہا ہے: واعد

فلسطینی اسیران کے حقوق کی محافظ تنظیم ’’واعد ‘‘نے حماس اور اسرائیل کے درمیان قیدیوں کے تبادلے کے موضوع پر بے بنیاد خبریں پھیلائے جانے پر تشویش کا اظہار کیا ہے-

واعد کے ترجمان عبداللہ قندیل نے کہا ہے کہ بعض ذرائع ابلا غ اسرائیلی خفیہ ادارہ ’’شاباک ‘‘سازشوں کو آگے بڑھانے کا حصہ بنا ہوا ہے- شاباک نے اسرائیلی جیلوں میں ایک کمیٹی تشکیل دی ہے جس کا مقصد فلسطینی سیاسی اسیران کے حوصلے پست کرناہے- وہ جھوٹی خبریں پھیلا کر فلسطینی اسیران پر ذہنی دباو بڑھانا چاہتاہے- تمام ذرائع ابلاغ کو چاہیے کہ وہ احتیاط سے کام لیں- اسلامی تحریک مزاحمت (حماس) کی قیدیوں کے تبادلے کی ڈیل کے متعلق کسی قسم کی معلومات افشاں نہیں کرنا چاہتی – اس کی خواہش ہے کہ ڈیل کی تفصیلات حتی الامکان صیغہ راز میں رہیں تا کہ اسیران کے اہل خانہ پر کسی قسم کا دباو نہ پڑے – بعض ذرائع ابلاغ صرف تجارتی مقاصد کو مد نظر رکھتے ہوئے اسیران کے معاملے پرگفتگو کرتے ہیں –