(فلسطین نیوز۔مرکز اطلاعات) اسرائیل کی فوجی عدالت میں حراست میں لیے گئے فلسطینی صحافی 38 سالہ مجاھد السعدی کی کی تفتیش کی آڑ میں اس کے جوڈیشل ریمانڈ میں مزید آٹھ روز کی توسیع کی منظوری گئی ہے۔
رپورٹ کے مطابق السعدی کے اقارب نے بتایا کہ اسرائیل کے ملٹری پراسیکیوٹر کی جانب سے دی گئی درخواست پر السعدی کی مدت حراست میں آٹھ دن کی مزید توسیع کردی ہے۔خیال رہے کہ السعدی پانچ سال تک اسرائیل کی جیلوں میں قید رہ چکا ہے۔ اسے صہیونی حکام نے 12 جنوری کو حراست میں لیا تھا۔
اسرائیلی جیلوں میں 19 فلسطینی صحافی پابند سلاسل ہیں جن میں المجد العربیہ ٹی وی کے نامہ نگار محمد القیق اپنی انتظامی حراست کے خلاف 66 دن سے مسلسل بھوک ہڑتال جاری رکھے ہوئے ہیں۔