(فلسطین نیوز۔مرکز اطلاعات) اسرائیلی پولیس کی حراست میں ایک فلسطینی شہری نے اسرائیل کی مرکزی عدالت میں پیش ہونے اور اپنے خلاف قائم کردہ مقدمہ میں عائد الزامات تسلیم کرنے سے انکار کردیا ہے۔ دوسری جانب اسرائیلی پراسیکیوٹر نے بلال ابو غانم کو تین سال عمر قید کی سزا کا مطالبہ کیا ہے۔
رپورٹ کے مطابق بلال ابوغانم کو گذشتہ روز عدالت میں پیش کرنے کی کوشش کی گئی تھی مگرانہوں نے عدالت میں جانے اور اپنے اوپرعائد الزامات تسلیم کرنےسے انکار کردیا تھا جس کےبعد کیس کی سماعت ملتوی کردی گئی۔
خیال رہے کہ 22 سالہ بلال ابوغانم پرالزام ہے کہ انہوں نے گذشتہ برس بیت المقدس میں ایک اسرائیلی بس میں گھس کر ایک دوسرے فلسطینی نوجوان بہاء علیان کے ہمراہ فائرنگ کردی تھی جس کے نتیجے میں تین یہودی ہلاک ہوگئے تھے۔
اسرائیلی پراسیکیوٹر کی جانب سے عدالت سے اپیل کی گئی ہے کہ وہ تین یہودیوں کے قتل کی پاداش میں فلسطینی ملزم کو تین سال عمر قید کی سزاسنائیں۔ غالب امکان یہی ہے کہ اسرائیلی عدالت بلال ابوغانم کو اگلی سماعت میں تین بار عمرقید کی سزا سنائے گی۔