(روزنامہ قدس ۔آن لائن خبر رساں ادارہ) مقبوضہ فلسطین میں صائب عریقات سمیت کم سے کم 14 حکومتی عہدیداروں کے عالمی وباء سے متاثر ہونے کی اطلاعات موصول ہوچکی ہیں۔
فلسطین لبریشن آرگنائزیشن کی ایگزیکٹو کمیٹی کے سیکریٹری جنرل ، تحریک فتح کے مرکزی رہ نما اور فلسطینی انتظامیہ کے مذاکراتی امور کے سربراہ صائب عريقاتصائب عریقات نے سماجی رابطوں کی ویب سائٹ ٹویٹر پر اپنے پیغام میں عالمی وباء کورونا وائرس سے متاثر ہونے کی تصدیق کرتے ہوئے بتایا ہے کہ انھوں نے آئندہ چند روز تک اپنی تمام ملاقاتوں کو منسوخ کردیا ہے ۔ٓ
صائب عریقات سنہ 1955ء کو بیت المقدس کے نواحی علاقے ابو دیس میں پیدا ہوئے۔ انہوں نے پیس اسٹدیز میں ڈاکٹریٹ کی ڈگری لے رکھی ہے۔ وہ فلسطینی کی گذشتہ حکومت میں لوکل گورنمنٹ کےوزیر بھی رہ چکے ہیں جب کہ 2009ء میں انہیں تحریک فتح کی مرکزی کمیٹی کارکن منتخب کیا گیا تھا۔