مغربی کنارے کی فلسطینی اتھارٹی نے فلسطین کی سب سے بڑی سیاسی جماعت حماس کے ساتھ اتحاد اور مفاہمت کے اقدامات کے ساتھ ساتھ اس کے حامیوں کی گرفتاریوں کا سلسلہ بھی جاری رکھا ہوا ہے۔ اتھارٹی فورسز نے قلقیلیہ، سلفیت اور طولکرم کے اضلاح سے حماس کے مزید سات کارکن اغوا کر لیے ہیں۔
ضلع نابلس میں حماس سے تعلق کے شبے میں ایک استاد کو برطرف کر دیا گیا اور بیت لحم میں یونیورسٹی کے ایک طالب علم کو تفتیش کے لیے طلب کیا گیا ہے۔
سلفیت کے علاقے قراوہ بنی حسان سے نجاح یونیورسٹی کے ایک طالب علم منیر عزیز مرعی کو تفتیش کے لیے طلب کر کے اغوا کر لیا گیا ہے۔ ضلع الخلیل میں ایک عدالت نے پولی ٹیکنیک یونیورسٹی کے متعدد طلبہ کی مدت حراست میں مزید پندرہ روز اضافہ کردیا ہے۔
طولکرم میں اتھارٹی کی فورسز نے احمد ابو جلموس نامی شہری کوتفتیش کے لیے طلب کرکے گرفتار کیا جبکہ اسی ضلع کے علاقے ضاحیہ شویکہ سے محمد صلاح، معاویہ شرفا، محمد عبد الکریم اور محمد ذیاب کے لیے بھی تفتیشی ہیڈ کوارٹر میں حاضری مہنگی ثابت ہوئی۔