فدائی حملے میں اسرائیلی فوجی افسر شدید زخمی، حملہ آور شہید

فلسطین کے مقبوضہ مغربی کنارے کے جنوبی شہر الخلیل میں منگل کو اسرائیلی فوج کی فائرنگ سے ایک فلسطینی نوجوان شہید ہوگیا۔ فلسطینی نوجوان نے اپنی شہادت سے قبل اسرائیلی فوج کے ایک افسر پرچاقو سے حملہ کیا جس کے نتیجے میں وہ شدید زخمی ہوا ہے اور اس کی حالت تشویشناک بیان کی جاتی ہے۔

رپورٹ کے حوالے سے بتایا ہے کہ منگل کی شام مسجد ابراہیمی کے قریب ایک فلسطینی نوجوان نے ایک یہودی فوجی افسر پر چاقو سے حملہ کیا جس کے نتیجے میں وہ شدید زخمی ہوگیا۔ قریب کھڑے فوجیوں نے حملہ آور پر گولیاں چلا دیں جس کے باعث وہ زخمی ہوکر زمین پر گرا اور کئی گھنٹے اس کا خون بہتا رہا۔

رپورٹ میں بتایا گیا ہے کہ ایک فلسطینی نوجوان نے اسرائیلی فوجی افسر پر چاقو سے حملہ کیا جس کے نتیجے میں وہ شدید زخمی ہوا ہے۔ زخمی فوجی کو ایک مقامی اسپتال منتقل کیا گیا ہے تاہم اس کی حالت تشویشناک بیان کی جاتی ہے۔

عینی شاہدین نے بتایا کہ یہودی فوجی افسر پر چاقو سے حملے کا واقعہ ’’کونٹینر‘‘ چوکی کے قریب پیش آیا۔

ادھر فلسطینی وزارت صحت نے فلسطینی نوجوان کی شہادت کی تصدیق کی ہے اور بتایا ہے کہ شہید فلسطینی کی شناخت ایہاب فتحی مسودہ کے نام سے کی گئی ہے جس کی عمر 18 سال کے لگ بھگ ہے اور اس کا آبائی تعلق الخلیل شہر کے جبل الخلیل سے ہے۔