انسانی حقوق کے لئے کام کرنے والے غیر ملکی کارکنوں نے مختلف گروہوں کی جانب سے فلسطینی اسیران کے مطالبات کے حق میں منعقد کئے جانے والے دھرنے میں شرکت کی۔
یہ دھرنے جن کا اہتمام اسیران کمیٹی، اسیران سوسائٹی اور بین الاقوامی مہم برائے رہائی بیمار فلسطینی اسیران نے کیا تھا، تمام اسیران کے ساتھ عمومی طور پر اور بیمار اور بھوک ہڑتال اسیران کے ساتھ خصوصی طور پر اظہار یکجہتی کے لئے منعقد کی جانے والی سرگرمیوں کا حصہ ہیں۔
دھرنے کے شرکاء نے بیمار اور بھوک ہڑتالی اسیران کی تصویریں اٹھا رکھی تھیں اور اس کے ساتھ ساتھ مختلف زبانوں کے بینرز بھی اٹھا رکھے تھے اور وہ قابض ریاست کے خلاف نعرے بلند کرتے ہوئے آزادی کے ترانے پڑھ رہے تھے۔
اس مہم کی ایک ترجمان نے ہفتے کے روز ایک پریس ریلیز کے دوران کہا تھا کہ اس دھرنے کا اہتمام اسیران کے حقوق کے لئے کام کرنے والی مقامی کمیٹیوں کے تعاون سے کیا گیا تھا۔
ان کا مزید کہنا تھا کہ اس مہم کو بین الاقوامی سطح پر مزید فعال بنایا جائے گا تاکہ اسیران کی تحفظ فراہم کیا جائے اور ان کے خلاف اسرائیلی جرائم کو روکا جائے۔
ترجمان کا مزید کہنا تھا کہ اب وقت آچکا ہے کہ دنیا عمل کرے اور اپنی ذمہ داریوں کا احساس کرے۔ انہوں نے اس بات کا عہد کیا کہ وہ فلسطینی اسیران کے لئے پوری دنیا کی حمایت اکٹھی کرنے لئے کام کریں گی۔
بشکریہ:مرکز اطلاعات فلسطین