(روز نامہ قدس ۔آنلائن خبر رساں ادارہ ) مزاحمت کاروں نے الزیتون محلے سے صیہونی افواج کو مار بھگانے کےبعد حیرت انگیز طورپر علاقے کو اپنے قبضے میں لے لیا۔
فلسطینی ذرائع سے حاصل اطلاعات کے مطابق آج جمعہ کی صبح فلسطینی مزاحمت کاروں نے غزہ کے جنوبی علاقے الزیتون میں ایک حیرت انگیز کارروائی کی ، مزاحمت کاروں اور غیر قانونی صیہونی افواج کے درمیان درمیان شدید جھڑپیں ہوئیں جس میں مزاحمت کاروں نے دھماکہ خیز مواد اور بھاری مشین گنوں سے صیہونی فوج پر حملہ کیا اور غاصب افواج کو بھاگنے پر مجبور کردیا ۔
فلسطینی مزاحمتی دھڑوں نے غاصب افواج کو نشانہ بنانے کے لیے گھات لگا کر حملے کیے، اور انھیں متعدد پیچیدہ گھات میں پھنسایا جس میں صیہونی فوجیوں کے زخمی اور ہلاک ہونے کی تصدیق کی گئی ہے۔