یہودی انتہا پسندوں نے اسرائیلی حکومت کی سرپرستی اور یہودی تنظیموں کے تعاون سے مقبوضہ مغربی کنارے کے الخلیل شہر میں العروب پناہ گزین کیمپ کے قریب ایک نئی یہودی بستی تعمیر کرنے کا اعلان کیا ہے۔ یہ یہودی کالونی العروب کیمپ اور الخلیل شہر کو ملانے والی شاہراہ 60 پر تعمیر فلسطینیوں سے غصب کی گئی اراضی پرتعمیر کی جائے گی۔
اسرائیل کے عبرانی اخبار”ہارٹز” کی رپورٹ کے مطابق یہودی شدت پسند لیڈر "اریہ کنگ” نے ماضی میں پروٹسٹنٹ چرچ کی وقف اراضی کچھ عرصہ قبل خرید کی تھی جس پر تعمیراتی کام کا فیصلہ کیا گیا تھا۔ حال ہی میں "بیت براخا” کے نام سے وہاں ایک چھوٹی کالونی تعمیر کی جا رہی ہے جس میں یہودی آباد کاورں کو بسایا جائے گا۔
رپورٹ کے مطابق الخلیل میں قائم کی جانے والی نئی چھوٹی یہودی کالونی پہلے سے موجود غوش عتصیون کالونیوں کے ساتھ جوڑی جائے گی۔
اسرائیلی ریڈیو کی رپورٹ کے مطابق یہ تعمیرات یہودی اپنے طورپرکررہے ہیں۔ اس سلسلے میں انہوں نے متعلقہ حکام اورفوج کو مطلع نہیں کیا ہے اور نہ ہی ان سے تعمیرات کے لیے اجازت حاصل کی ہے۔
بشکریہ:مرکزاطلاعات فلسطین