(روزنامہ قدس ـ آنلائن خبر رساں ادارہ) مقبوضہ بیت المقدس کے مکاتب فکر اور عوامی حلقوں نے فلسطینی مسلمانوں سے آج جمعرات کو مسجد الاقصیٰ پہنچ کر میلاد النبی ﷺ کی مناسبت سے اس مقدس مقام میں حاضری کی اپیل کی ہے۔
دعوت دہندگان نے زور دیا ہے کہ زیادہ سے زیادہ فلسطینی مسجد اقصیٰ میں حاضری دیں تاکہ یہ ثابت ہو سکے کہ فلسطینی اور مسلمانوں کا مسجد الاقصیٰ کے ساتھ رشتہ برقرار ہے اور قابض اسرائیل او ر سفاک صہیونی آباد کاروں کی جانب سے یہاں غیر قانونی تعمیرات کرنے کی کسی بھی کوشش کو ناکام بنایا جائے۔
ان تقریبات کے منتظمین نے القدس، فلسطین کے اندرونی علاقوں اور مقبوضہ اندرون کے مسلمانوں کو قرآن کی تلاوت، نعت شریف اور دعائیہ کلمات کے ساتھ عید میلاد النبی ﷺ منانے کی اپیل کی ہے۔
مسجد الاقصیٰ کے اندر خصوصی حلقات ذکر بھی منعقد ہوں گے جو نبی کریم ﷺ کی قدر اور مقام کو مسلمانوں کے دلوں میں اجاگر کریں گے۔
یہ سب اس وقت ہو رہا ہے جب القدس میں قابض اسرائیل کی جانب سے نمازیوں اور رباط کرنے والوں پر بار بار حملوں کے خدشات بڑھ گئے ہیں او ر درندہ صفت صہیونی آباد کاروں کی طرف سے آئندہ دنوں میں نئے دھاوا آور حملوں کی دھمکی بھی موجود ہے۔
